Македонските тенисери Обрад Марковски и Горазд Србљак триумфираа во конкуренција на двојки на годинашново издание на Macedonian Open 2026. Тие во финалето за 79 минути ги совладаа Никола Керемедчиев и Давид Симеонов од Бугарија со 2:0 во сетови (7:5, 6:4).

Во првиот сет Марковски-Србљак направија брејк во седмиот гем и поведоа со 4:3, но веќе во следниот гем тенисерите од Бугарија успеаја да изедначат на 4:4. Новиот брејк за македонската двојка во 11.тиот гем им донесе водство од 6:5 во гемови, а сетот го завршија откако го освоија гемот на свој сервис за 7:5.

Во вториот сет повторно во седмиот гем имаше брејк за Марковски и Србљак за 4:3, а потоа и во деветтиот гем направија брејк и сетот го завршија со 6:3 во гемови.

Инаку, Марковски и Србљак во саботата го одиграа и полуфиналниот меч и постигнаа победа од 2:0 во сетови против Николас Бруна и Франциско Томас Гешвинд.

В недела со почеток од 11.30 часот ќе се игра финалето во сингл меѓу Калин Ивановски против Владислав Орлов од Украина, кој 2:6, 6:0 и 6:4 го победи Стефан Поповиќ од Србија.