Нашите пливачи уште еднаш покажаа дека македонското пливање оди во вистинска насока, постигнувајќи лични рекорди и нов национален рекорд.

Првопласираниот Леонел Илиев, оствари лични рекорди во дисциплините 400 метри мешано (4:38.72 мин.), 400 метри слободно (4:09.98 мин.), 100 метри делфин (58.56 сек.) и 200 метри мешано (2:10.16 мин.) што претставува и нов кадетски рекорд на Македонија.

Илиев во дисциплината 200 метри мешано го подобри досегашниот кадетски рекорд на Македонија (2:10.24), кој го држеше Никола Ѓуретановиќ.

Михаил Алексовски во дисциплината 100 метри градно оствари време од 1:08.73 мин., а на 200 метри градно имаше време 2:32.40 мин. што е негов нов личен рекорд.

Даниел Милошевски во дисциплината 1500 метри слободно имаше време од 17:10.66 мин. што е негов нов личен рекорд.