КУЛТУРЕН ПЕЧАТ број 338, во печатеното издание на весникот „Слободен печат“ (4-5.7.2026), во својот стандарден формат на осум страници меѓу содржините од областа на уметноста и културните настани има:

– интервју со Николина Андова Шопова, добитничка на „Браќа Миладиновци“ на СВП 2026: Поезијата секогаш нè враќа на почетокот

– разговор со Мирко Радоњиќ, театарски режисер од Црна Гора кој постави претстава со театарот „Златен Елец“: Независната сцена ја дава најголемата слобода

– со „Д-Фестивал“ градот Штип стана фестивалска музичка престолнина на Балканот

– групата „Фолтин“ ја најавија најобемната јубилејна програма во својата историја под наслов „Фолтин 30 – три децении музичка слобода и жива врска со публиката“

– Фестивалот за критичка култура „Крик“ на 29 јуни во Музејот на современата уметност беше домаќин на најзначајниот, најпровокативниот и најактуелниот филозоф на 21 век, Мартин Хеглунд

– Факултетот за ликовни уметности при УКИМ од 19 до 26 јуни ја организираше четвртата сесија на Летната школа „New art for(u)m“ во Лазарополе

– под водство на маестро Сашо Татарчевски, Женскиот младински хор при МКЦ во текот на јуни оствари учества на два реномирани меѓународни фестивали

– од печат излезе книгата „Quo vadis, Професоре?“ (разговори во политичкиот етер со професор емеритус Димитар Мирчев) на Свето Стаменов

– Центарот за култура „Марко Цепенков“ во Прилеп го објави најновиот број на списанието за литература, уметност и култура „Стремеж“ број еден за 2026 година

– во издание на „Или-Или“ излезе од печат книгата „Пустинско срце: Петнаесет години во Авганистан“ од Ана Пејчинова

– новата книга на поетесата Ирена Павлова Де Одорико е со наслов „Јас сум Живка“, а книгата излезе во издание на „Восток паблишинг“.