Калин Ивановски по голема борба и два добиени сета во тај брејк успеа да избори полуфинале на Macedonian Open 2026 откако го совлада шестиот носител Александре Вајс од Италија со 2:0 во сетови 7:6 (5) и 7:6 (3).

Македонскиот тенисер во вториот сет успеа да надополни негатива од 4:1 во гемови и да направи целосен пресврт. Мечот на турнирот во Скопје траеше два часа и 40 минути.

Противник на Ивановски во полуфиналето в сабота ќе му биде Јанаки Милев од Бугарија, кој со 6:4 и 6:2 го совлада третиот носител Себастијан Соргер од Австрија.

Во второто полуфинале ќе играат Владислав Орлов од Украина и Стефан Поповиќ од Србија. Орлов во денешното четвртфинале беше подобар од Петар Јовановиќ од Црна Гора (6:0, 6:2), додека Поповиќ го совлада Николас Бруна од Чиле со 6:4 и 7:6 (2).