Манчестер сити денеска и официјално го потврди ангажманот на Елиот Андерсон од Нотингем форест, во трансфер кој се очекува да биде еден од најголемите ова лето.

Како што беше најавено во британските медиуми, англискиот репрезентативец во моментов се наоѓа во Канзас со националниот тим, каде што ќе ги мине задолжителните лекарски прегледи пред комплетирање на договорот со „граѓаните“. Финализацијата на трансферот се очекува по неговото враќање од Светското првенство.

Информацијата не претставува изненадување, бидејќи уште минатата недела се појавија најави за негово заминување на „Етихад“.

Според новинарот Дејвид Орнштајн, Сити за неговите услуги ќе плати околу 116 милиони фунти (приближно 135 милиони евра), со што ќе биде поставен нов британски рекорд.

Од Нотингем форест ја потврдија разделбата со играчот и му посакаа успех во понатамошната кариера.