Босна и Херцеговина го заврши настапот на Светското првенство oткако не успеа да му се спротивстави на домаќинот САД, кој славеше со 2-0 на натпреварот одигран во Сан Франциско.

Средбата не изобилуваше со големи возбудувања и сериозни можности пред двата гола, а американската репрезентација во најголем дел од дуелот ја имаше иницијативата и ја контролираше играта.

Домаќините до предност стигнаа непосредно пред паузата, кога Балогун ја затресе мрежата и обезбеди водство од 1:0 по првите 45 минути.

Во второто полувреме истиот фудбалер повторно беше во центарот на вниманието, но овојпат поради директен црвен картон во 64. минута по груб старт. И покрај бројчаната предност до крајот на мечот, селекцијата на Босна и Херцеговина не успеа да создаде доволно опасност за да стигне до израмнување.

Конечните 2-0 ги постави Тилиман со прецизен удар од слободен удар во 82. минута, со што САД го потврдија пласманот во осминафиналето. За пет дена Американците ќе се соочат со Белгија во борбата за место меѓу најдобрите осум селекции, а натпреварот е закажан да започне во два часот по полноќ.