Фудбалската репрезентација на Англија ја победи со 2:1 селекцијата на ДРК Конго по пресврт на натпреварот во Атланта за пласман во осминафиналето на Светското првенство. Иако Англија имаше негатива по првото полувреме, успеа да најде начин во вториот дел да го сврти резултатот во своја корист благодарение на нејзиниот капитен Хари Кејн.

ДР Конго ги шокираше фаворитите во седмата минута, кога Брајан Чипенга, по брз контранапад, постигна прецизен удар покрај англискиот голман и им донесе водство од 1:0. Африканскиот тим играше многу дисциплинирано во првото полувреме, а голманот Мпази направи неколку одлични одбрани, спречувајќи ги обидите на Џуд Белингам и Маркус Рашфорд. Англија, исто така, бараше пенал во првите 45 минути по дуелот меѓу Кејн и голманот, но судијата не покажа на белата точка.

🏴󠁧󠁢󠁥󠁮󠁧󠁿 England have qualified for the Round of 16!#FIFAWorldCup

— FIFA World Cup (@FIFAWorldCup) July 1, 2026

Потоа Англија ја презеде целосната контрола и создаде серија шанси пред голот на противникот. Белингам и Рашфорд беа блиску до гол, но енергичниот Мпази продолжи да се истакнува. Селекторот на Англија го освежи својот тим со воведувањето на Букајо Сака и Ентони Гордон, што брзо се покажа како победнички потег.

Израмнувањето се случи во 74 минута кога Хари Кејн со глава погодои по прецизен центаршут од Гордон за израмнување на 1:1. Тоа беше четвртиот гол на напаѓачот на Баерн на Мундијалот и неговиот 71 гол во сезоната.

Англија потоа продолжи со притисокот и успеа да го комплетира пресвртот со вториот гол на Кејн за вредна победа и пласман во следната фаза од натпреварувањето. Англичаните во осминафиналето ќе играат против Мексико во Мексико Сити на 5 јули.