Поранешните НБА кошаркари Малик Бисли и Ед Дејвис беа обвинети за илегални активности поврзани со спортско обложување, според федералната обвинителска канцеларија на САД. Тие се осомничени дека заедно со уште неколку лица учествувале во манипулирање на натпревари и местење на индивидуални статистики за време на сезоната 2023/24, со цел да остварат незаконска добивка преку обложување, пренесува „ESPN“ преку Шамс Чаранија.

Nine-year NBA veteran Malik Beasley has been indicted on federal charges for gambling related to a sports betting scheme, such as point shaving and prop bets, his attorney Steve Haney tells ESPN. The government is coordinating a voluntary surrender of Beasley this week.

— Shams Charania (@ShamsCharania) June 29, 2026

Бисли и Дејвис, кои беа соиграчи во Минесота Тимбервулвс во сезоната 2020-21, се обвинети дека заедно договарале манипулирање на настапите на Бисли на четири натпревари во сезоната 2023-24, кога Дејвис веќе не беше во НБА, а Бисли настапуваше за Милвоки Бакс.

Бисли наводно должел милиони долари заради коцкање, поради што Дејвис му позајмил пари. За да го отплати долгот, Бисли и Дејвис наводно решиле да се вклучат во обложувачка шема, соработувале со уште тројца и поставиле облози од десетици илјади долари на натпреварот на Бисли против Кливленд Кавалирс во сезоната 2023-24.

Обвинителите тврдат дека Бисли дури прифатил мито за да ги намали или отплати долговите што ги имал кон Дејвис. А во медиумите се појавија и разговори помеѓу двајцата кошаркари.

„Единствениот начин да го победиш Вегас е спортското обложување,“ му напишал Дејвис на Бисли во декември 2023 година, според обвинението. „Можеме да заработиме добри пари.“

Во сезоната каде што Бисли забележуваше просек од 11,3 поени по натпревар, натпреварот против Кливленд на 26 јануари 2024, го заврши со само три поени.

The 4 games Malik Beasley allegedly shaved points:

Bucks vs Cavs on January 26th

Bucks vs Hornets on February 27th

Bucks vs Clippers on March 10th

Bucks vs Nets on March 21st

The group of bettors took the over on Beasley’s rebounds and cashed for the Clippers game.

The… https://t.co/hL95gWZhpG pic.twitter.com/yZbItO5pXa

— Ahmed/The Ears/IG: BigBizTheGod 🇸🇴 (@big_business_) June 29, 2026

Бисли дополнително е обвинет дека наместил натпревар против Шарлот Хорнетс во истата сезона, кога обложувач ставил пари на тоа дека Бисли ќе ја надмине границата за скокови.

Бисли, заедно со Дејвис, поранешниот НБА агент Паоло Заморано и уште три лица, се соочуваат со обвиненија за спортско поткупување, заговор за вршење измама преку интернет, измама со чесни услуги и заговор за перење пари, според Атлетик.

Бисли очекуваше голем договор по сезоната 2024-25 во НБА, но истрагата за обложување минатиот јуни го наруши неговиот план. Неколку месеци подоцна, адвокатите на Бисли тврдеа дека тој веќе не бил предмет на федерална истрага. Сепак, поради неизвесноста, НБА одлучи да спроведе сопствена истрага за постапките на Бисли.

Поради различните обвинувања и истрагите, Бисли остана без ангажман во сезоната 2025-26.

Пред овие обвинувања, Бисли ја имаше една од најдобрите сезони во својата кариера. По драфтот во 2016 година кога беше 19-ти пик на Денвер Нагетс, тој прерасна во одличен играч, а доби гласови и за „Шести играч на годината“ по сезоната 2018-19.

Во сезоната 2019-20 настапуваше за Минесота Тимбервулвс, а потоа играше за разни тимови.

Malik Beasley BEEN GAMBLING lmaooo.

Here he is going coast-to-coast with 5 seconds left like his life depended on it just to cut the lead from 9 to 7.

The spread was +8.5 😭 https://t.co/iQzvaSnyFp pic.twitter.com/nTRzrdUDiF

— Hater Report (@HaterReport) June 29, 2026

Бисли ја мина сезоната 2024-25 во Детроит Пистонс. Играше 81 натпревар, започна како стартер на 18 од нив, и бележеше просек од 16,3 поени и 2,6 скока по меч за Детроит. Се очекуваше да добие повеќегодишен договор од Пистонс пред да се појави веста за истрагата за илегално обложување.

Бисли и Дејвис не се единствените кошаркари што се соочуваат со федерални обвиненија поради истраги за коцкање. Во ноември, бекот на Мајами Хит, Тери Розиер, и тренерот на Портланд Трејл Блејзерс, Чонси Билупс, беа уапсени поради обвиненија за коцкање во рамки на две одделни истраги.

Билупс веднаш беше суспендиран, а Розиер не настапи за Хит во сезоната 2025-26.

Поранешниот НБА играч и асистент тренер, Дејмон Џонс, исто така беше уапсен како дел од истрагите против Билупс и Розиер.

Во 2024 година, играчот на Торонто Репторс, Жонтеј Портер, доби доживотна забрана од НБА поради прекршување на правилата за коцкање.

Каваи Ленард е блиску до враќање во Торонто, Брендон Инграм оди во Клиперс