Репрезентацијата на Мексико ја совлада репрезентацијата на Еквадор со резултат од 2-0 и избори пласман во осминафиналето на Светското првенство. Стрелци за Мексико беа Џулијан Кинјонес и Раул Хименез.

Во финишот на натпреварот, една ситуација привлече големо внимание. Дефанзивец на Еквадор, Пјеро Инкапије во 94-тата минута доби директен црвен картон по вербален судир со мексиканскиот напаѓач Сантијаго Хименез.

За време на расправијата со рака ја покри устата, а словенечкиот судија Славко Винчиќ, по преглед на снимката на ВАР, одлучи да го исклучи применувајќи го новото правило на ФИФА воведено пред ова Светско првенство. Тоа предвидува директен црвен картон за ваков потег.

I’m starting to fw this new red card rule. The way he smiled after getting the red tells you he definitely said something badpic.twitter.com/OBp0MkNlCD https://t.co/VLdZ0fHres

— AB⚕ (@AbsoluteBruno) July 1, 2026

Инкапије (24) е еден од клучните играчи на Еквадор. Тој настапува за Арсенал, со кој минатата сезона ја освои титулата во Премиер лигата и играше во финалето на Лигата на шампионите. На 39 настапи за лондонскиот клуб минатата сезона не доби ниту еден црвен картон.

Мексико ќе го игра натпреварот од осминафиналето на 6 јули на стадионот „Астека“, со почеток од 2 часот по македонско време. Противник ќе му биде победникот од дуелот меѓу Англија и ДР Конго, кој е закажан за денеска од 18 часот.

Американскиот селектор Покетино: Секој меч за нас е како финале на Мундијалот