Унгарската влада најави дека во следните недели ќе деблокира речиси 10 илјади корисници на кои им бил забранет пристап до нејзината официјална страница на Фејсбук, пренесе Индекс.

За да го прикаже обемот на забраните, владата објави 13-минутно видео на кое се гледа долг, замаглен список на блокирани корисници.

Бидејќи унгарската влада важните соопштенија често ги објавува токму на социјалните мрежи, корисниците на кои пристапот им бил оневозможен масовно побарале укинување на забраните по изборите.

Како што се наведува, корисниците биле блокирани од владината страница во текот на изминатите години од владеењето на партијата Фидес и поранешниот премиер Виктор Орбан.

Според сегашните информации, вработените во владиниот кабинет за комуникации наскоро ќе почнат со постапката за деблокирање.

„Градиме земја во која секој може слободно да го изрази своето мислење, сè додека со тоа не ги навредува другите“, порачаа од новата унгарска влада.

Новата власт во Унгарија не попушта – нема отпремнини за луѓето на Орбан