Eлиф Елмас/EPA/CIRO FUSCO

Наполи се збогуваше со Елмас

Со истекот на договорот денеска официјално заврши позајмицата на македонскиот репрезентативец Елиф Елмас во Наполи, што значи дека тој од следната сезона ќе има нов клуб.

Италијанскиот шампион се збогуваше со Елмас преку објава на социјалните мрежи, во која му се заблагодари за придонесот и му посака многу успех во продолжението од кариерата, со порака дека вратите на клубот секогаш ќе му бидат отворени.

Со ова практично стана јасно дека Наполи нема да ја активира клаузулата за негов целосен трансфер, па македонскиот фудбалер се враќа во редовите на Лајпциг.

Сепак, според актуелните најави, шансите Елмас да остане во германскиот клуб и следната сезона се минимални. Се очекува Лајпциг и македонскиот репрезентативец во текот на летниот преоден рок да пронајдат нова средина.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот