Англичаните го слават својот капитен Хари Кејн кој беше најзаслужен за пресвртот (2:1) против ДР Конго за пласман во осминафиналето на Светското првенство.

Противник на Англија во осминафиналната фаза ќе биде еден од домаќините на Мундијалот, Мексико, на 5 јули на стадионот Ацтека.

Иако ДР Конго водеше по првото полувреме на стадионот во Атланта, играчот на Баерн, во последните 15 минути од мечот двапати ја затресе во мрежата на африканската репрезентација.

Тој втор гол беше неговиот 13-ти вкупно на светските првенства, со што го престигна легендарниот Бразилец, Пеле, кој застана на 12 погодоци.

Моментално Кејн е изедначен со Французинот Жист Фонтен, а врвот моментно е Лионел Меси (Аргентина) со 19 голови, пред Килијан Мбапе (Франција) со 18, следува Мирослав Клосе (Германија) со 16, а Бразилецот Роналдо има 15 додека Герд Милер кој за тогашна Западна Германија запиша 14 голови.