Македонската машка младинска ракометна репрезентација ја забележа и третата победа во подготвителниот период, откако денеска беше подобра од селекцијата на Грција со 29:25.

По двата триумфа над Саудиска Арабија, избраниците на селекторот Игор Илиевски прикажаа уште една сигурна партија, овојпат против јужниот сосед, потврдувајќи дека подготовките за претстојното Европско првенство се движат во посакуваната насока.

Континенталниот шампионат ќе се одржи во Романија од 8 до 19 јули, а Македонија ќе настапи во силна група заедно со Данска, Норвешка и Хрватска.

Чупиќ номиниран за најдобар тренер во Лигата на Европа