Во кавадаречкото село Росоман денеска се запалило гнездо со штркови, а пожарникарите брзо интервенирале и успеале да ја спасат мајката и три млади штркчиња, пишува „Независен“.

На фотографиите кои ги објави фејсбук-страницата „ТАЗЕ“ се гледа како пожарникарите ги спасуваат штрковите.

„Откако ги спасивме птиците, добри луѓе ги згрижија во Росоман и, како што ни рекоа, утре најверојатно ќе им направат ново гнездо во кое ќе бидат сместени, велат, според „Независен“, од Територијалната противпожарна единица во Кавадарци.

ВИДЕО: Мечка преплива цело езеро во Грција, долго 20 километри