ВИДЕО | Јајца и брашно врз пратениците, солзавец врз демонстрантите — хаос пред албанскиот парламент
Продолжуваат протестите пред албанскиот парламент, каде што граѓани се собраа на протест против премиерот Еди Рама и неговата влада. Собирот се одржува паралелно со пленарната седница на Собранието, по повик на организаторите, пренесе Коха.
Препорачано
Според албанските медиуми, полицијата употребила солзавец, пепер-спреј и водени топови.
🚨🇦🇱LIVE: Police attack protesters after they threw eggs at the cars of MPs and government ministers in Tirana, Albania
⚡️The protests against Albania’s political establishment are a continuation of the movement opposing the land grab, the sale of Sazan Island to Kushner, and… pic.twitter.com/NsQYSJq7WJ
— Anonymous TV 🇺🇦 (@YourAnonTV) July 2, 2026
Граѓаните почнале да се собираат пред парламентот уште во раните утрински часови. Веднаш по почетокот на седницата, околу 10 часот, биле регистрирани првите инциденти. Демонстрантите фрлале јајца и брашно врз пратеници и се обидувале да го пробијат полицискиот кордон, пренесува „Коха“.
Демонстрантите носеле транспаренти со пораки „Време е за будење“ и „Една нација, еден глас, една иднина“. Дел од нив влегле и во блиски ресторан, каде што биле пратеници, и ги гаѓале со јајца и брашно.
The police responded with widespread violence today, on the 33rd day of protests in Albania, where demonstrators are demanding the resignation of Prime Minister Edi Rama and his government.#Tirana #Albania pic.twitter.com/ygGr0prR9f
— Isa Myzyraj (@IsamyzyrajAlb) July 2, 2026
Ситуацијата дополнително ескалирала по завршувањето на пленарната седница, кога демонстрантите ги блокирале влезовите и излезите на парламентот, спречувајќи го движењето на службените возила.
За да воспостави контрола, полицијата интервенирала со солзавец и водени топови. Бил формиран безбедносен коридор за возилата да ја напуштат зградата на парламентот, пишуваат медиумите.
За време на полициската интервенција избиле нови тензии. Демонстрантите извикувале слогани и фрлале предмети кон полициските сили. Полицијата привела неколку луѓе, но не се знае колку точно демонстранти се одведени во полициска станица.
Состојбата дополнително се влошила кога дел од демонстрантите се обиделе да ја пробијат металната ограда и полицискиот кордон околу парламентот.
Во судирите биле повредени 3 полицајци, кои биле пренесени во болница за медицинска помош. Неколку демонстранти, исто така, побарале лекарска помош поради последиците од употребата на солзавец.
BREAKING 🚨 – Massive clashes outside the Albanian Parliament! The situation escalated dramatically after police fired tear gas at protesters throwing eggs. Dozens of detentions and injuries reported. #flamingorevolution #Albania 🇦🇱🦩 https://t.co/Bg7qSE9vOZ pic.twitter.com/v8qIiOMebU
— Tirana Report (@Tirana_Report) July 2, 2026
Безбедносните мерки околу парламентот биле засилени уште пред почетокот на седницата, а пред зградата биле распоредени оклопни возила и водени топови.
И покрај немирите пред парламентот, седницата продолжила според дневниот ред. Биле усвоени неколку закони, а се разговарало и за активностите на независните институции.
Пратеничката група на опозициската Демократска партија на Албанија соопштила дека ја бојкотира седницата. Од партијата го обвиниле мнозинството дека го користи присуството на полицијата за „замолчување на граѓаните што протестираат“.
Според албанските медиуми, протести и помали инциденти имало и претходниот ден пред парламентот, кога биле забележани физички судири и фрлање пиротехнички средства.
Демонстрантите во Албанија ги објавија своите барања: оставка на Еди Рама и преодна техничка влада
