Времето утре (петок, 3 јули) ќе се задржи променливо облачно со сончеви периоди, соопшти Управата за хидрометеоролошки работи, но синоптичарите предупредуваат дека попладнето наместа е можно ново силно невреме со пороен дожд и грмежи.

„Попладне повторно ќе биде нестабилно наместа со повремени врнежи од дожд и грмежи. Локално процесите ќе бидат поинтензивни во форма на невреме со пообилен пороен дожд (над 15 l/m²), електрични празнења, силен ветер (над 60 km/h) и појава на град“, велат од УХМР.

Од сабота, пак, ќе дува засилен северен ветер, се вели во прогнозата. До средината на следната работна седмица потоа ќе имаме стабилно и претежно сончево време, прогнозираат метеоролозите.

ВИДЕО | Невремето поплави подруми, дворови и подвозници во Скопје, најпогодени се населбите Кисела Вода, Чаир, Бутел и Гази Баба