Актуелниот светски првак Аргентина в сабота ќе се сретне со Зеленортските Острови во шеснаесетфинале, дуел на гигант со дебитант на Мундијалот 2026.

Иако тешко е да се замисли било кој друг исход освен победа на Аргентина, селекторот на „сините ајкули“, како што го викаат тимот на таа островска земја, најави дека сè е можно.

– За нас, ништо не е невозможно. Од самиот почеток, рековме дека една од целите што ги имавме беше да ја покажеме нашата земја на остатокот од светот. Да можеме да играме против Аргентина и Меси во ваква фаза е одлично за нашата земја, без оглед на самиот натпревар. Но, да веруваме. Сè е можно – изјави Педро Леитао Брито, наречен Бубиста, селектор на Зеленортските Острови.

„Сините ајкули“, иако дебитант, ја минаа групата без да загубат ниеден меч, ремизирајќи трипати, а нивната дефанзивна дисциплина беше темелот на тоа достигнување.

Светската фудбалска јавност ќе следи дали (односно колку) одбранбената тактика на Бубиста ќе може да го задржи максимално убиствениот аргентински напад.

Но без оглед на конечниот резултат, Зеленортските Острови веќе постигнаа спортска бесмртност, покажувајќи дека и на најголемата сцена, една минијатурна нација (околу 530.000 жители) може да се докаже преку храброста на нејзините играчи.

Можеби е време да посетат некој врач — неверојатно што му се случи на Сенегал во една година

ВОЗНЕМИРУВАЧКО ВИДЕО | Во Мексико убиен возач откако влетал во толпа навивачи, има и повредени

ВИДЕО | Законите важат и за Меси: Американците го претресоа од глава до пети