Додека Мексико славеше победа од 3-0 над Чешка на Светското првенство, во градот Кабо Сан Лукас се случи трагичен инцидент што ја засени спортската еуфорија.

Според мексиканските медиуми, група навивачи за време на прославата опколиле автомобил управуван од Роберто Арелјано Асеведо и почнале силно да го нишаат и удираат возилото.

Во обид да се извлече од толпата, возачот нагло притиснал на педалата за гас и со автомобилот влетал меѓу насобраните луѓе. Во инцидентот биле повредени најмалку 17 лица.

По неколку моменти автомобилот удрил и запрел, по што разгневената толпа стигнала до возачот. Навивачите го извлекле од возилото и физички го нападнале, нанесувајќи му тешки повреди пред да интервенира полицијата.

Асеведо итно бил пренесен во болница, но лекарите не успеале да му го спасат животот. Според официјалните информации, починал како последица на тешки повреди на главата и откажување на внатрешните органи.

Мексиканските власти и обвинителството започнаа истрага за целиот случај, со цел да се утврдат сите околности што доведоа до оваа трагедија.

🚨ÚLTIMO | Muere chofer que fue linchado tras atropellar a multitud en Los Cabos durante los eufóricos festejos por la victoria de México 3-0 ante Chequia y la clasificación a la siguiente fase en el Mundial 2026.

El conductor identificado como Roberto Arellano Acevedo arrolló… pic.twitter.com/cmoqij3wT9

— 📢Rebelión en la Granja🚨 (@elorwelliano) July 1, 2026

ВИДЕО | Алајбеговиќ против Катар го постигна еден од најубавите голови на Мундијалот

ВИДЕО | Уште една драма на Мундијалот: Мароко по изведување пенали ја испрати дома Холандија