Граѓаните да не ги паркираат автомобилите под високи и суви дрвја, затоа што од Управата за хидрометеоролошки работи најавија дека и попладнево се очекува навреме, апелираат од ЈП „Паркови и зеленило“.

Оттаму велат дека скопјани можат да пријават паднато дрво или гранка на телефонот на ЦУК – 112, за екипите на претпријатието да го отстранат.

Поради вчерашното невреме со силен дожд и град, како што информираат, теренските екипи интервенирале на повеќе од 30 локации за расчистување на паднати гранки и дрвја, кои делумно или целосно го попречувале сообраќајот.

ФОТО | Дрво падна врз пешачка патека до детско игралиште во Аеродром

Најголем број интервенции се извршени во населбите Чаир, Бутел, Кисела Вода, Аеродром и Центар.

Екипите работеа до доцните вечерни часови, а и денес продолжуваат со активности на терен за целосно отстранување на последиците од невремето, посочуваат од Претпријатието.