Нема многу репрезентации кои во така краток временски период доживеале две толку тешки разочарувања како Сенегал. Наместо да се радуваат на титулата африкански шампиони и пласманот во осминафиналето на Светското првенство, „лавовите од Теранга“ останаа со празни раце.

За само шест месеци двапати беа скршени, иако во двата случаи беа на чекор до успехот.

Првата голема драма се случи на Африканскиот куп на нации, одигран од декември до јануари. Сенегал ја освои титулата на теренот, откако по продолженијата со 1:0 го совлада Мароко во исклучително тензично финале. Во 17. минута од судиското продолжение на регуларниот дел, Брахим Дијаз не реализираше пенал, обидувајќи се да погоди со популарната „паненка“, а Сенегалците подоцна го постигнаа победничкиот гол.

Сепак, нивната радост траеше само три месеци. Поради повлекување на тимот од теренот во знак на протест за време на финалето, иако натпреварот подоцна беше продолжен, дисциплинските органи ја поништија победата и службено му ја одзедоа титулата на Сенегал.

Кога се чинеше дека оваа траума барем делумно е оставена зад нив, следуваше уште поболен удар на Светското првенство.

Во осминафиналето против Белгија, Сенегал имаше предност од 2:0 сè до 86. минута и беше на чекор до историски успех. Но, тогаш започна вистинскиот кошмар.

Ромелу Лукаку го намали резултатот, а Јури Тилеманс брзо потоа израмни на 2:2, носејќи го натпреварот во продолженија. Кулминацијата на драмата дојде во самиот финиш, кога судијата по интервенција на ВАР досуди пенал за Белгија.

On en veut à nos joueurs et au coach, au point qu’on ne regardait rien d’autre.

Mais l’arbitrage sur ce match est catastrophique ! Et comme je le disais, la VAR n’est en effet que pour les équipes européennes et américaines. Rien ne peut expliquer son absence sur le but de… pic.twitter.com/l5GxTyhDVT

— Alioune Aboutalib LO🔭📉 (@LoAboutalib) July 2, 2026

За разлика од хаотичните сцени во финалето на Африканскиот куп, селекторот на Сенегал овојпат не реагираше со повлекување на екипата, туку беспомошно ја следеше разврската.

Во 120. минута Тилеманс беше прецизен од белата точка за конечни 3:2 и пласман на Белгија во следната фаза, оставајќи ги сенегалските фудбалери во солзи.

Колку тешко го доживеаја поразот најдобро покажаа сцените по последниот судиски свиреж, кога дел од белгиските репрезентативци повеќе време поминаа тешејќи ги своите противници отколку славејќи ја драматичната победа.

ВИДЕО | Драма и хаос во Мароко: Сенегал сакаше да го напушти теренот, а на крај го освои Африканскиот Куп на Нации

На Сенегал му ја одзедоа титулата – Мароко е шампион на Африка