Легендарниот аргентински фудбалер Диего Марадона уште пред неколку години предупреди дека комерцијалните интереси сѐ повеќе ќе влијаат врз изгледот на најважното фудбалско натпреварување во светот, а неговите зборови денес повторно се актуелни.

Во изјава од 2018 година, Марадона потсети на Светското првенство во САД во 1994 година, тврдејќи дека тогаш постоеле идеи натпреварите да се играат во четири четвртини за да се отвори дополнителен простор за реклами. Поради тоа, не го криеше незадоволството што САД повторно ја добија организацијата на Мундијалот, овојпат заедно со Мексико и Канада.

„Не ми се допаѓа тоа, нема вистинска страст. Канаѓаните се добри скијачи, а Американците сакаа да воведат четири четвртини од по 25 минути поради рекламите. На крајот ќе играме по 100 минути“, изјави тогаш Марадона.

Иако неговото предвидување не се оствари буквално, современиот фудбал навистина оди во насока што ја најавуваше. На Светското првенство се воведени паузи за хидратација поради високите температури, кои истовремено создаваат простор за телевизиски реклами, а поради долгите судиски продолженија многу натпревари траат околу или повеќе од 100 минути, речиси идентично како што прогнозираше аргентинската фудбалска легенда.

No es Inteligencia Artificial
Maradona opinando sobre el Mundial 2026 en el año 2018 junto a Víctor Hugo. Los americanos quisieron hacer 4 tiempos de 25′ para meternos publicidad #mundialdefútbol2026 #fifaworldcup2026 pic.twitter.com/OdGl2TeviX

— Apple (@javisensation) July 2, 2026

Паузите за хидратација на Светското првенство му донесоа милиони на Бекам