Тотенхем официјално го потврди ангажманот на португалскиот играч од средниот ред Матеуш Фернандеш од Вест хем, во трансфер вреден околу 100 милиони евра (85 милиони фунти), со што тој стана најскапото засилување во историјата на лондонскиот клуб.

Фудбалерот по трансферот не го криеше задоволството што пристигнува во лондонскиот клуб.

„Пресреќен сум што го направив овој чекор во кариерата. Тотенхем е еден од најголемите клубови, а разговорот со тренерот ме убеди дека ова е вистинското место за мене. Имаме иста визија за фудбалот, тим кој игра борбено, со многу енергија и секогаш оди на победа. Со нетрпение очекувам да ги запознаам навивачите, соиграчите и сите во клубот, а на теренот ќе го дадам максимумот“, изјави португалскиот фудбалер.

Интересен е податокот дека Фернандеш две последователни сезони испаѓа од елитното друштво, но тоа воопшто не ја намали неговата вредност на трансфер-пазарот.

Минатото лето, по испаѓањето на Саутемптон, тој премина во Вест хем во трансфер вреден околу 44 милиони евра, при што „светците“ задржаа и 15 проценти од неговата следна продажба.