Американскиот актер Дени Гловер (79), познат по улогата во „Смртоносно оружје“, откри дека му е дијагностицирана Алцхајмерова болест. Тој ја сподели веста во емотивно интервју што го даде во емисијата „Тудеј“.

Гловер откри дека му е дијагностицирана болеста уште пред четири години, но дури сега решил јавно да зборува за тоа. Во интервју со водителот Лестер Холт, тој откри дека причината за ова е желбата да помогне во намалувањето на стигмата што сè уште ја придружува болеста.

– Сè уште не ги прифаќам сите делови од таа болест во мојот ум. Постојат моменти што сè уште ги паметите, а кои потврдуваат дека можете да се сетите и моменти што никогаш нема да ги заборавам – рекол тој.

Тој нагласи дека е сигурен дека работите ќе се променат сега и дека болеста ќе напредува и ќе изгледа сè поинаку.

Алцхајмеровата болест е најчестата форма на деменција, а повеќе од милион луѓе ширум светот се погодени од неа секоја година.

Дени Гловер е американски актер, режисер и активист, најпознат по улогата во филмската франшиза „Смртоносно оружје“. Во текот на неговата кариера што трае повеќе од 40 години, тој оствари голем број успешни улоги во филмот и телевизијата, а често работеше на општествено ангажирани проекти и поддржуваше хуманитарни и политички иницијативи. Гловер беше едно од најпрепознатливите лица во Холивуд во 1980-тите и 1990-тите.