Руската војска го нападнала украинскиот град Запорожје, при што биле повредени 7 лица, меѓу кои и 4 деца, соопштил Иван Федоров, началник на Запорошката обласна воена управа, пренесе Правда.

Според него, погодени биле фитнес-центар во кој има базен и станбена зграда.

Федоров навел дека по рускиот напад избувнал пожар во станбена зграда, а оштетен бил и објектот на фитнес-центарот. Прво било соопштено дека се повредени 4 лица, но подоцна бројот се зголемил на 7. Меѓу повредените има деца на возраст од 6, 7, 12 и 16 години.

Тој објавил и снимка од нападот врз зградата со базен. Подоцна навел дека Русија го нападнала градот со 3 дронови.

ВИДЕО | Русија го нападна Киев, најмалку 13 луѓе се убиени