Најмалку девет луѓе загинаа, а преку 20 се повредени во силна експлозија што се случи во кафуле во центарот на Дамаск, Сирија, јавија сириските државни медиуми, а пренесе Ројтерс.

Според последните информации, нападот го извеле тројца напаѓачи-самоубијци, кои носеле појаси со експлозив. Тие влегле во кафулето, кое се наоѓа во близина на Палатата на правдата во сирискиот главен град, а едниот од нив успеал да ја детонира бомбата, убивајќи еден од соучесниците. Третиот напаѓач, како што јавуваат локалните медиуми, се обидел да избега, но бил фатен од полицијата.

На социјалните мрежи се објавени вознемирувачки снимки од разнесениот кафе-бар кусо по експлозијата:

The #Damascus Health Directorate reported that the bombing in central Damascus left nine people dead and 20 injured, including six attorneys killed and eight attorneys wounded.#Syrian authorities said the blast was caused by a “rudimentary” improvised explosive device (IED). An… pic.twitter.com/ULdZPJ8wpg

— Mohammed Alaa Ghanem محمد علاء غانم (@MhdAGhanem) July 2, 2026

Засега никој не ја презема одговорноста за нападот, кој е еден од ретките такви инциденти во сириската престолнина по долгата граѓанска војна и соборувањето на поранешниот претседател Башар ел Асад кон крајот на 2024 година.

Во мај годинава, еден сириски војник загина, а најмалку 18 луѓе беа повредени во експлозија на автомобил-бомба пред Министерството за одбрана во Дамаск.

Постигнат е договор меѓу Курдите и властите во Дамаск