Најдобрата тенисерка во светот, Арина Сабаленка, се пласираше во осминафиналето на Вимблдон, откако денеска во третото коло ја победи Летонката Јелена Остапенко со 6:4 и 6:4 за еден час и 33 минути.

Белоруската тенисерка го доби првиот сет по брејк во деветтиот гем. Тенисерката број еден на ВТА листата го доби вториот сет откако три пати направи брејк на сервисот на противничката.

Сабаленка ќе игра против Јапонката Наоми Осака во осминафиналето на Вимблдон.

Каролина Мухова од Чешка во осминафиналната фаза ќе игра против нејзината сонародничка Барбора Крејчикова.

Мухова со 6:2 и 7:6 (1) славеше против досега најголемото изненадување на турнирот во женска конкуренција, Мананчаја Савангкаев од Тајланд.

Во чешкиот дуел Крејчикова со 6:3 и 7:5 беше поуспешна во дуелот против Никола Бартункова.

Во американскиот дуел Коко Гоф со 6:3, 6:7 (5) и 6:2 триумфираше над Клер Лиу и следна нејзина противничка ќе биде Белинда Бенчиќ од Швајцарија.