На Меѓународниот аеродром во главниот град на Зеленортските Острови беше организиран спектакуларен пречек за фудбалската репрезентација по историскиот настап на Светското првенство.

Уште неколку часа пред слетувањето на авионот, илјадници навивачи се собраа пред аеродромскиот терминал со национални знамиња, песни и овации, нетрпеливо очекувајќи ги своите херои. Атмосферата беше исполнета со емоции, гордост и славеничко расположение.

Во моментот кога авионот се појави над пистата, следуваше вистинска ерупција од воодушевување. Присутните ги вклучија мобилните телефони за да го забележат историскиот момент, додека аплаузите и скандирањата одекнуваа низ целиот аеродромски комплекс.

По слетувањето, репрезентативците беа пречекани со громогласен аплауз. Капитенот прв излезе од авионот, држејќи го националното знаме, што предизвика дополнителна еуфорија кај собраните навивачи.

Во меѓувреме, државните власти најавија дека ќе ја разгледаат можноста денот на враќањето на репрезентацијата да биде прогласен за национален празник, како признание за историскиот успех на фудбалерите и нивниот придонес во промоцијата на Зеленортските Острови на светската сцена.

🚨LES HÉROS DU CAP-VERT ACCUEILLIS COMME IL SE DOIT AU PAYS !! 🇨🇻🤩

𝗠𝗮𝗴𝗻𝗶𝗳𝗶𝗾𝘂𝗲 𝗿𝗲́𝗰𝗲𝗽𝘁𝗶𝗼𝗻 après l’atterrissage de la délégation capverdienne suite à sa SUPERBE Coupe du Monde 🛬🥹👏

🎥 @fcfcomunica pic.twitter.com/LJONk1qN4U

— BeFootball (@_BeFootball) July 5, 2026

ВИДЕО | Аргентина е во осминафинале, но храбрите момци од Зеленортски Острови ги освоија симпатиите

Тргнал на Мундијал во САД, останал во Барселона — навивач десет дена гледал фудбал без да знае дека го бара Интерпол