Струга Трим Лум продолжува со засилувањата во пресрет на новата сезона, а најново име во редовите на клубот е францускиот напаѓач Агамат Хамонд.

Дваесет и деветгодишниот офанзивец, кој има ганско потекло, првпат ќе игра надвор од Франција, откако досегашната кариера ја мина настапувајќи за клубови од пониските француски лиги.

Во Струга пристигнува од екипата на Шареј, за која во изминатата полусезона одигра 17 натпревари. На тие средби постигна шест погодоци и забележа една асистенција, со што го привлече вниманието на македонскиот прволигаш.

Според неговата досегашна статистика, Хамонд има 114 настапи во сениорската кариера, на кои постигнал 51 гол и запишал пет асистенции. Во Струга очекуваат токму неговата ефикасност да донесе дополнителен квалитет во офанзивната линија на тимот.