Несекојдневен и скандалозен инцидент го одбележа јуниорскиот турнир на Вимблдон во женска конкуренција, откако 15-годишната германска тенисерка Ида Вобкер беше дисквалификувана поради опасен потег кон публиката.

Инцидентот се случи во мечот од првото коло против Марија Поп. Во моментите кога противничката имаше предност од 1:0 во сетови, а резултатот во вториот беше 5:5 и 30:0, младата Германка целосно ги загуби нервите.

По една неизнудена грешка, Вобкер најпрво силно го удри рекетот од тревата, а потоа го фрли кон трибините. Рекетот заврши меѓу гледачите и според информациите, погодил еден навивач.

По инцидентот, главниот судија веднаш го прекина натпреварот и по консултација со супервизорот донесе одлука германската тенисерка да биде дисквалификувана од турнирот.

pic.twitter.com/2MIfDX4t3a

— Cristian (@tennisclips28) July 4, 2026