Репрезентацијата на Бразил ќе истрча со малку изменет состав на осминафиналниот натпревар против Норвешка во споредба со тимот што ја совлада Јапонија во претходната рунда. Поради повреда, Лукас Пакета нема да биде во комбинација, додека постои можност Рафиња да добие одредена минутажа.

Напаѓачот се врати на тренинзите во петокот, откако две седмици закрепнуваше од повредата на тетивата зад коленото, која ја заработи во првото полувреме од натпреварот против Хаити во групната фаза.

Селекторот Карло Анчелоти потврди дека Рафиња ќе биде во составот и дека би можел да настапи од клупата.

„Рафиња закрепнува многу добро. Сè уште не е целосно подготвен, но ќе биде во конкуренција за настап. Може да добие одредена минутажа и да помогне од клупата“, изјави Анчелоти.

Враќањето на Рафиња, заедно со Нејмар, кој исто така повторно му е на располагање на стручниот штаб, ќе му донесе на Бразил дополнително искуство и поголем избор во офанзивната линија во пресрет на елиминациската фаза.

Од друга страна, Анчелоти нема да може да смета на Лукас Пакета, кој ја повреди на задната ложа за време на победата од 2:1 против Јапонија.

„Во нашиот тим нема фудбалер со истите квалитети како Лукас Пакета, па ќе мораме да го замениме со играч кој има поинакви карактеристики. Данило е различен тип на играч од Габриел, а истото важи и во споредбата со Матеус Куња и Едерсон“, истакна селекторот на Бразил.

Натпреварот помеѓу Бразил и Норвешка се игра вечерва од 22:00 часот.

Критериуми на Светското првенство: Никогаш помалку фаули, но најмногу исклучувања

ВИДЕО | Мбапе со гол од пенал ја однесе Франција во четвртфиналето

Досега девет селектори си поднесоа оставки по испаѓањето од Светското првенство