Основниот суд во Бијелина, БиХ, го потврди обвинението против лице со иницијали Л.Ц., кое е обвинето од Окружното јавно обвинителство во Бијелина за кражба на околу 2.500 евра од семејната куќа во Лопара, искористувајќи го моментот кога членовите на семејството присуствувале на погреб на член од семејството, објави „Дневни аваз“.

Обвинителството тврди дека обвинетиот го искористил фактот дека семејството на сопственикот на куќата, Ј.Л., било на погребот на неговиот син, по што влегол во незаклучената куќа со намера да стекне противправна имотна корист и од комодата во дневната соба зел торба со готовина во износ од околу 2.500 евра.

Во обвинението е наведено дека парите му биле вратени истиот ден, но дека тоа не ги менува околностите под кои, според обвинителството, е извршено кривичното дело.

Обвинителството го товари Л.Ц. дека зел туѓ подвижен имот на опишаниот начин со намера незаконски да го присвои, со што извршил, според обвинението, кривично дело кражба според член 224 став 1 од Кривичниот законик на Република Српска.

Необична кражба во Босна – почекале работниците да ги оберат насадите, па украле 150 килограми свежи малини