Британскиот крал Чарлс се возеше во британски тенк за време на неговата прва посета на Кралскиот тенковски полк откако стана командант на полкот, објави Би-би-си.

Тој пристигна во Музејот на тенкови во Бовингтон, Дорсет, во оклопно возило „Ролс-Ројс“ од 1920 година, додека центарот го одбележуваше Денот на семејството, посветен на роднините на членовите на полкот.

Покојната кралица Елизабета Втора пристигна во музејот со истото возило во 1997 година, за време на одбележувањето на 80-годишнината од битката кај Камбре.

Кога го прашаа што мисли за оклопното возило, кралот се пошегува дека е многу бавно.

Тој ја презеде титулата командант на полкот во 2023 година по смртта на неговата мајка. За време на неговата посета, Чарлс го разгледа музејот, вклучувајќи ја и салата „Тенковски приказни“, каде што персоналот му ја претстави историјата и важноста на тенковите од Првата светска војна до денес.

Кралот Чарлс ќе ја открие личната даночна сметка, првпат како монарх