Кралот Чарлс ќе стане првиот британски монарх во модерно време кој ќе ја открие својата лична даночна сметка, објави Би-Би-Си. Неговите даночни плаќања ќе бидат објавени во четврток како нов елемент во годишните кралски финансиски сметки, а извори од палатата тврдат дека одлуката била лична, на кралот.

Бакингемската палата вели дека овој потег е дел од иницијативата за модернизација и поголема транспарентност, како и „да се поттикне пошироко разбирање на нашите одговорности“.

Потегот ќе ги открие даночните придонеси на кралот за претходната година – 2024-25 година – и ќе вклучува даноци на неговиот приход, како што се заработката од Војводството Ланкастер, личните инвестиции и заработката од приватните имоти на кралот, како што се Сандрингам и Балморал.

Портпаролот на Бакингемската палата рече дека тоа е дел од поширока иницијатива за поголема отвореност кон јавноста.

„Едноставно кажано, ние продолжуваме да се модернизираме и да еволуираме“.

Кога беше принц од Велс, Чарлс исто така откри колку данок плаќал.

Монарсите не се обврзани да плаќаат данок на доход, данок на наследство за она што го добиваат од претходен монарх или данок на капитална добивка – но кралот доброволно плаќа данок на доход и данок на капитална добивка за секоја продажба на приватен имот.

По скандалите Ендрју Маунтбатен-Виндзор, пратениците беа меѓу оние кои бараа поголема отвореност во врска со финансиските зделки на кралското семејство.

Финансискиот извештај следната недела треба да содржи поширок преглед на кралските финансии.

„Нашата цел е да ги објасниме сите елементи на кралските финансии на начин што дополнително ќе ја зголеми јасноста и пристапноста“, рече портпаролот на Палатата.

Кралот Чарлс им понуди сместување — Хари и Меган доаѓаат во Велика Британија првпат по четири години