Фудбалската репрезентација на Шпанија ќе се обиде да се врати на победничките патеки кога ќе се соочи со Саудиска Арабија на Светското првенство денеска од 18.00 часот во Атланта, САД.

Шпанскиот селектор Луис де ла Фуенте изјави дека неговите играчи биле погодени од критики по ремито без голови против дебитантот Зеленортски Острови во првото коло, и покрај тоа што влегоа на турнирот како еден од главните фаворити.

Де ла Фуенте нагласи пред натпреварот против Саудиска Арабија дека нема место за паника.

– Оваа генерација фудбалери е исклучително конкурентна и мотивирана. На вториот меч ќе биде сосема поинаква приказна. Нема драма или криза. Мораме да победиме – вели селекторот на Шпанија.

Шпекулациите за физичката подготвеност на првата ѕвезда, Ламин Јамал продолжуваат да доминираат во шпанскиот табор. Членот на Барселона сè уште не е подготвен за цел натпревар, сепак селекторот одлучи да го вклучи во почетниот состав.

Стартни состави

Шпанија: Симон, Поро, Кубарси, Лапорте, Кукуреља, Педри, Родри, Олмо, Баена, Ојарзабал, Јамал.

Саудиска Арабија: Ал-Оваис, Абдулхамид, Алтамбајти, Лајами, Ал-Амри, Ал-Харби, Џувајр, Ал-Хаибари, Н. Ал-Давсари, Ал-Бураикан, С. Ал-Давсари.