Тетовчанец е тешко повреден откако за време на тепачка со сограѓанин се здобил со убодни рани, соопшти тетовската полиција. Според информациите, тепачката се случила вчера попладне пред паркот на Универзитетот во Тетово.

„На 20 јуни 2026 година околу 17:30 часот бил нарушен јавниот ред и мир со физичка пресметка помеѓу М.Д.(20) и Л.А.(26), двајцата од Тетово. Во текот на инцидентот било употребено ладно оружје, при што Л.А. му нанел убодни рани на М.Д. Повредениот веднаш бил пренесен во Клиничката болница во Тетово, каде што му била укажана лекарска помош“ соопшти СВР Тетово.

Полициските службеници кои го обезбедувале настанот веднаш интервенирале. На местото бил пронајден нож, а Л.А. бил приведен и задржан во полициска станица.

По целосно документирање на случајот ќе следи соодветна пријава.

Тинејџер со „голф“ прегазил тригодишно девојче на велосипед и избегал