По четиридневна потрага по исчезнато осумгодишно дете во Хрватска, денеска е пронајдено неговото тело во реката Драва во Селница Подравска, во општина Леград, пренесуваат хрватските медиуми.

Како што соопшти Полициската управа Копривница-Крижевац, телото на детето е пронајдено денес попладне, околу два километри низводно од местото на исчезнувањето.

Истрагата е во тек

По наредба на Окружното јавно обвинителство во Вараждин, се спроведуваат истражни дејствија.

Полицијата заедно со припадници на Хрватската планинска служба за спасување (ХГСС) и нуркачи го бараа детето на терен, а во потрагата се вклучија и пожарникари и мештаните. Во потрагата помогнаа и сили од соседните окрузи, Вараждин и Меѓимурје.

Градоначалникот на Леград, Иван Саболиќ, изјави дека детето исчезнало во областа на Драва, која е нелегално капалиште. Според неофицијалните информации од порталот „еПодравина“, детето шетало со својот брат кога во еден момент влегло во реката и исчезнало.

Загина спасувач додека ги бараше телата на петтемина Италијанци на Малдивите