Спартак Кочани настапи на меѓународниот турнир во борење во Пловдив, Бугарија, со тројца натпреварувачи – Давид Златков, Максим Арсов и Никола Пешев.

Во силна конкуренција од над 320 борачи од Грција, Бугарија, Молдавија, Турција и Македонија, борачите на Спартак Кочани достојно го претставија клубот и државата.

Клубот упатува посебни честитки до Никола Пешев, кој со одлични борби и голема борбеност го освои второто место во својата категорија.

– Горди сме на сите наши натпреварувачи за покажаното срце, дисциплина и спортски дух. Ова е уште една потврда дека трудот, посветеноста и упорноста носат резултати – стои во објавата на клубот.