Покрај одличниот фудбал, многуте голови и некои неочекувани исходи, заштитен знак на ова Светско фудбалско првенство се и „паузите за хидратација“.

ФИФА го именуваше овој период од играта во средината на секое полувреме за време на кој судиите ги праќаат играчите на клупите за да се освежат.

Порано, вакви ситуации имавме само во случај натпреварот да се игра во екстремна топлина. Јасно е дека овие промени беа воведени за да се зголеми профитот – за време на пауза од три минути, рече телевизискиот водител.

Оваа промена не им се допадна на сите, а за ова зборуваше и селекторот на уругвајската репрезентација, Марсело Биелса:

– Играњето натпревар во четири полувремиња наместо во две ја менува културната основа врз која се гради разбирањето на фудбалот. Оваа промена не носи ништо, а многу одзема. Ќе кажам само дека пред оваа одлука, фудбалот имаше една карактеристика, а сега има друга. Луѓето се заљубуваат во оваа игра токму поради нејзините карактеристики – рече Биелса.

Тој, исто така, направи разлика помеѓу овие комерцијални прекини и технолошките иновации кои се сè повеќе присутни во фудбалот во последниве години.

– Секако, ја поздравуваме и цениме технологијата како ВАР. Технологијата нуди повеќе можности. Со овие паузи, намерата е поинаква, а заклучоците што ги правам не се навистина мои. Само го повторувам она што го слушам – вели аргентинскиот селектор.

Уругвај ќе се соочи со селекцијата на Зеленортски Острови во второто коло од групната фаза на полноќ вечерва. Тие одиграа нерешено 1:1 со Саудиска Арабија во првото коло.