Бразилскиот репрезентативец Касемиро е пред нов предизвик во кариерата, откако постигнал целосен договор за преселба во Интер Мајами по заминувањето од Манчестер јунајтед како слободен играч.

Според информациите, сите детали меѓу двете страни веќе се договорени и останува само формалното потпишување на документацијата пред трансферот да биде официјално објавен.

Мајами беше во потрага по искусен играч за средниот ред по заминувањето на Серхио Бускетс, а изборот паднал токму на Касемиро, кој со своето богато искуство и бројните трофеи треба да донесе дополнителен квалитет и стабилност во тимот.

Со овој потег, составот на клубот чиј сопственик е Дејвид Бекам добива уште едно звучно засилување, додека Касемиро ќе има можност кариерата да ја продолжи во американскиот шампионат.