По завршувањето на натпреварите од второто коло во групата Д добивме една многу интересна ситуација.

Победник на групата се Соединетите Американски Држави, Турција сигурно е последна, додека за второто и третото место ќе одлучува меѓусебниот дуел меѓу Австралија и Парагвај.

Австралија и Парагвај моментално имаат по три бода, што значи дека екипата што ќе победи ќе го освои второто место, а поразената ќе заврши на третото место.
Но, екипата што ќе загуби најверојатно ќе остане без пласман во нокаут фазата, бидејќи е речиси невозможно со три бода да биде меѓу осумте најдобри третопласирани селекции, додека со четири бода пласманот понатаму е 99 проценти обезбеден.

Тоа во пракса значи дека нерешен резултат во нивниот дуел во Санта Клара во петок 4:00 ќе ги одведе двете репрезентации во нокаут фазата на натпреварувањето.

Во случај на реми, Австралија би ја завршила групата на второто, а Парагвај на третото место и од тие позиции би продолжиле во шеснаесетфиналето.