Репрезентацијата на Турција доживеа големо разочарување на Светското првенство, откако беше елиминирана уште по првите два натпревари во групната фаза. И покрај тоа што во составот има фудбалери од најголемите европски клубови, Турците не успеаја да ги оправдаат очекувањата и турнирот го завршија без постигнат гол.

По поразот од Парагвај, најголемата ѕвезда на тимот, Арда Ѓулер не го криеше разочарувањето и призна дека настапот на неговата селекција бил далеку под потребното ниво.

„Им се извинуваме на навивачите, навистина сме засрамени од тоа што го прикажавме. Сите доаѓаме од врвни клубови и требаше да покажеме многу повеќе на ова натпреварување“, порача младиот фудбалер.

Ѓулер потенцираше дека е недозволиво репрезентација со таков квалитет да остане без ниту еден погодок на два натпревари, додавајќи дека токму неефикасноста била главната причина за неуспехот.

Тој ги демантираше и шпекулациите за евентуални проблеми во соблекувалната, нагласувајќи дека атмосферата во тимот била добра и дека единствениот проблем бил недостатокот на реализација пред противничкиот гол.

„Ќе направам сѐ што е во моја моќ ова Светско првенство што побрзо да остане зад мене“, изјави Ѓулер по елиминацијата на Турција.