Добитникот на Греми награда и еден од највлијателните светски диџеи, Black Coffee, синоќа одржа масовен концерт на отворено на Стадионот на АРМ во Скопје, во организација на „Авалон Продукција“.

Концертот привлече илјадници љубители на електронската музика од земјата и од регионот, потврдувајќи го капацитетот на Скопје за организација на настани од највисок светски ранг.

Black Coffee испорача повеќечасовен сет во кој доминираа неговите препознатливи афро-хаус и мелодични техно звуци. Настапот беше придружен со комплетна аудиовизуелна продукција според светски стандарди, вклучувајќи специфичен дизајн на сцената, врвно озвучување и напредни светлосни ефекти кои дополнително ја подигнаа атмосферата во Градскиот парк.

Публиката во сите сектори – од партер и фан пит, па сè до бекстејџ зоната – реагираше со одлична енергија од самиот почеток до крајот на сетот.

Овој музички настан се запишува како еден од клучните за домашната електронска сцена.