Фудбалерите на Вардар продолжуваат со подготовките во Норчија пред првиот европски предизвик ова лето, двомечот против Купс во квалификациите за Лигата на шампионите.

По одигрувањето на двата контролни натпревари против локални состави, во кои „црвено-црните“ остварија позитивни резултати, избраниците на тренерот Фабијани денеска одработија нов тренинг во базата каде што престојуваат за време на подготовките.

Според планираната програма, Вардар во Норчија ќе остане до 2 јули, по што експедицијата се враќа во Скопје за завршниот дел од подготовките пред европскиот старт.

Првиот меч против Купс е закажан за 7 јули на домашен терен, додека реваншот ќе се игра седум дена подоцна во Хелсинки.