Бразил стигна до првиот триумф на Светското првенство, откако во рамките на второто коло убедливо го совлада Хаити со 3-0. Сите погодоци беа постигнати во првото полувреме, а клучна улога имаше Куња, кој ја оправда довербата на селекторот Анчелоти.

По ремито на стартот од турнирот, Бразилците влегоа решително во дуелот со Хаити, а резултатот беше отворен во 23. минута преку Куња. Истиот играч повторно се запиша во листата на стрелците во 36. минута, носејќи сигурна предност од 2-0 за „кариоките“.

Во судиското надополнување на првото полувреме, Винисиус Жуниор стави точка на натпреварот со третиот погодок и ги постави конечните 3-0.

Мароко претходно забележа минимална победа од 1-0 против Шкотска. Единствениот гол на средбата беше постигнат уште во втората минута, кога Саибари ја искористи првата посериозна можност и донесе три бода за својата селекција.

По две одиграни кола во групата, Бразил и Мароко се на врвот со по четири освоени бодови. Шкотска има три бода, додека Хаити останува без бодовно салдо и со значително намалени шанси за пласман во следната фаза.

ВИДЕО | Парагвај победи и со играч помалку, крај на Мундијалот за Турција