Само еден натпревар беше доволен целосно да го промени животот на голманот на Зеленортските Острови, Возиња, кој преку ноќ се претвори во една од најголемите сензации на Светското првенство.

Мундијалот уште еднаш покажа дека е сцена на која се раѓаат нови спортски херои, а искусниот чувар на мрежата е најновиот пример за тоа. Со извонредното издание против Шпанија и серијата спектакуларни одбрани, Возиња го сврте вниманието на љубителите на фудбалот ширум планетата.

До почетокот на турнирот, неговото име беше речиси непознато надвор од африканскиот континент, а на Инстаграм го следеа околу 50.000 луѓе. Сепак, настапот против еден од главните фаворити за титулата предизвика вистинска еуфорија на социјалните мрежи.

За само неколку дена, бројот на неговите следбеници доживеа неверојатен раст и достигна 14 милиони, што го направи Возиња една од највпечатливите приказни на актуелниот шампионат.

Колку е голем овој успех најдобро покажува споредбата со еден од најпознатите голмани во современиот фудбал. Германската легенда Мануел Ноер во моментов има 14,7 милиони следбеници на Инстаграм, што значи дека Возиња со само еден блескав настап на Светското првенство речиси се израмни со неговата популарност на оваа платформа.

🚨Cape Verde goalkeeper Vozinha has hit 14 MILLION Instagram followers since his performance against Spain.

As a reminder, he was on 50,000 followers before the World Cup, and now he’s nearly surpassed Manuel Neuer, the greatest goalkeeper of all time.

The influence of the… pic.twitter.com/R0F5bJguhl

— Football Tweet ⚽ (@Footballtweet) June 19, 2026