Во Сингапур постои необично и сè попопуларно место кое носи име „Југославија“ и кое на прв поглед изненадува многу посетители, особено оние од Балканот. Станува збор за кафе-пекарница „Југославија“ која успеала да создаде автентична балканска атмосфера во срцето на Азија и да стане вистинска атракција меѓу локалците и странците.

Зад овој интересен концепт стојат Митре и Катарина, Македонци кои со својата идеја сакале да ги приближат традиционалните вкусови од овие простори до гостите во Сингапур. Она што започнало како мала замисла, денес прераснало во ланец со неколку објекти, од кои особено внимание привлекува локацијата на аеродромот.

 

View this post on Instagram

 

A post shared by Katerina Yugoslavia Krajoski (@yugoslavia_bakery_and_cafe)

Посетителите таму можат да уживаат во препознатливи специјалитети како бурек, кифли, штрудли, баклави, ванилици, бајадери и други слатки и солени деликатеси карактеристични за балканската кујна. Дополнително, целото искуство е заокружено со домашна кафе-култура, која ги задржува гостите подолго од планираното.

Внатрешниот амбиент дополнително го засилува впечатокот – ѕидовите се украсени со фотографии од Јосип Броз Тито, а во позадина се слушаат музички нумери од поранешниот југословенски простор, што создава носталгична атмосфера за некои, а егзотично искуство за други.

A friend of mine sent me this ! There is a coffee chain in Singapore called Cafe Yugoslavia and it already has 3 locations and just has portraits of Tito on the wall and Play Yugoslav and partisan songs while serving coffee! 😀 I’ll go get a cup on my next layover there 😁 pic.twitter.com/0NddDV4bY6

— WW2 The Eastern Front (@ShoahUkraine) June 18, 2026

Изненадувачки, најмногу гости се локалните жители и странци кои живеат во Сингапур, кои го откриле ова место преку неговиот уникатен концепт и приказна.

ФОТО | Браќата Јован и Никола „растураат“ со бурекчилница во Сиднеј: Сакаме да се знае дека бурекот е македонски производ