Уште една голема трагедија се случила денеска на плажата Тале во близина на градот Леж (Леска) во Албанија, на Јадранското Море — се удавија две девојчиња на возраст од 9 и 11 години, јавија албанските медиуми.

Според прелиминарните информации, жртвите, Јонида Дајљани (9 години) и Адељајда Миша (11 години) биле во дел од плажата на кој немало спасувачи ниту надзор. Тие влегле во водата и се претпоставува дека биле повлечени од морските струи и не можеле да испливаат.

Телата на девојчињата биле извлечени од морето и пренесени во болницата во Леж.

Полицијата извршила увид и ги истражува причините за трагедијата и околностите кои довеле до неа.

Пред две недели, двајца млади луѓе, туристи од Косово, се удавија во блиското одморалиште Шенѓин, кога ги повлекле бранови кај плажата Рана е Хедун.

Ужасна вест од Халкидики: жена од Македонија се удави во Егејското Море