Туристка од Македонија вчера попладнето се удавила на една од плажите во близина на грчкото место Неа Каликратија на Касандра, првиот крак на полуостровот Халкидики, јавуваат грчките медиуми.

75-годишната жена била извлечена од морето во Неа Каликратија. Итно била повикана брзата помош, која ја пренела во болницата во блискиот град Неа Мудања, каде лекарите можеле само да ја констатираат смртта.

За случајот се води предистражна постапка од страна на Второто пристанишно одделение во Неа Мудања, при Централната пристанишна управа во Солун. Наредено е врз телото на починатата жена да се изврши обдукција, како и судско-медицинско вештачење во Службата за судска медицина во Солун.

Трагедија во Грција: 77-годишна Србинка се удави во Ханиоти