Израел води разговори со Америка во обид да го одржи распоредувањето на своите војници во јужен Либан, изјавија за „Ројтерс“ двајца израелски функционери. Според информациите, Израел ја прошири својата инвазија на јужен Либан и започна разорна воздушна и копнена кампања за која тврди дека има за цел да го искорени Хезболах, групата што дејствува во овој дел од Либан.

Израел ги опишува териториите што ги зазеде во Либан, Газа и Сирија како „тампон зони“ меѓу себе и своите непријатели, што е клучен дел од неговата неодамнешна безбедносна политика. Нетанјаху ги отфрли повиците Израел да се повлече од тие територии.

Америка и Иран го потпишаа мировниот договор порано од предвиденото

Висок израелски функционер за „Ројтерс“ изјави дека Израел е во постојани преговори со Вашингтон за континуирано распоредување на своите војници во јужен Либан.

Функционерот вели дека Израел нема да се помести од своите позиции, вклучително и задржување на војниците распоредени во областа јужно од реката Литани во Либан.

Израел: Го прекинуваме контактот со Каја Калас

Друг израелски функционер за „Ројтерс“ изјави дека исходот од преговорите на крајот ќе зависи од тоа дали американскиот претседател Доналд Трамп ќе одлучи да наметне решение со закана со последици ако Израел не ги почитува условите на договорот со Иран.

Нетанјаху е добар човек, но понекогаш малку се возбудува, вели Трамп