Поранешната ѕвезда на Манчестер јунајтед, Луис Саха (47), смета дека Кристијано Роналдо мора да прифати оти понекогаш треба да седи на клупата за да ѝ даде на Португалија поголеми шанси за победа.

Роналдо(41) беше сенка од своето поранешно јас во првиот меч на Португалија на Светското првенство 2026, против ДР Конго, кој заврши нерешено 1-1.

– Тој сака да игра секоја минута за да собори рекорди, тоа е неговиот менталитет и ние го разбираме тоа. Но, на Португалија и е потребно високо темпо. Португалците треба да притискаат и да имаат врвно ниво на енергија, што ќе вклучува правење промени – изјави Саха.

Французот се приклучи кон многуте критичари на Роналдо по првиот меч на СП 2026.

– Првото полувреме му беше навистина лошо, тој не беше физички добар. Правеше грешки, но во второто полувреме талентот се покажа – вели Саха.

Саха и Роналдо беа соиграчи четири години на Олд Трафорд пред Французинот да замине во 2008 година за да се приклучи на Евертон. Подоцна играше за Тотенхем, Сандерленд и Лацио пред да ја заврши кариерата во 2013 година.

Селекторот на Португалија се сели во Саудиска Арабија по Мундијалот?

Мартинез за Роналдо: Нема смисла да го менуваме најдобриот стрелец во историјата кога ни e потребен гол